BAGUIO CITY- Pagsagsaganaan ita ti Baguio Girl ken 2020 fastest woman of the Philippines a ni Katherine Khay Santos para iti pannakipasetna iti 31st Southeast Asian Games inton Mayo 12 sadiay Hanoi,Vitenam.
Agsansanay daytoy babaen ti Ultra training bubble iti Baguio City kadwana dagiti dadduma pay a miembro ti Philippine Team iti running ken relay events.
Ibilbilang ni Santos kas kadakkelan a kompetiyson ken stepping stone ti pannangabakna ti gold silver iti long jump event ken silver medal iti 4×100 meters relay iti kallepas a 2022 Singapore Open Track and Field Championships.
Panggepna ita a makagun-od pay ti medalya iti SEA Games para iti pagilian isut gapuna nga ar-aramidenna ti kabaelanna tapnu agballigi.
Kampante met daytoy iti agdama a performance-na nu idilig kadagiti kallabes ken maragsakan pay daytoy kadagiti baro a pasilidad a katulunganda nga agsanay.
Naituding nga agturong ni Santos ken ti Philippine Team inton Mayo 11 sadiay Hanoi para iti opening ti SEA games.
