BAGUIO CITY – Binigbig ken dinayaw ti lokal a gobyerno ti Baguio dagiti overseas Filipino workers (OFWs) nga agtultuloy a mangibagbagi iti Pilipinas babaen iti panagtrabaho dagitoy iti dadduma a pagilian.
Kagiddan daytoy ti panakarambak ti Migrant Workers’ Day idi June 5 a nanglagip iti sakripisyo dagiti OFWs tapnu laeng mapapintas ken mapasayaat ti masakbayan ti pamilya dagitoy.
Addaan ti selebrasyon iti tema a “Salamat Sa Tibay, Galing at Pagmamalasakit Mo Kabayan” nga agyamyaman iti agtultuloy a panangpaneknek dagiti OFWs iti kinatibkerda a mangsango iti aniaman a karit iti baet ti agdama a pandemya.
Inyebkas ni Mayor Benjamin Magalong ti panagyamanna kadagiti banuar ti pagilian gapu iti panangipakitada kadagiti kabaelan dagiti Pilipino iti sangalubongan.
