--Ads--
BAGUIO CITY – Opisyalen a nailukat ti nalatak a Night Market ditoy Baguio City sadiay Harrison Road idi kalman kagiddan ti panaglukat ti Christmas in Baguio.
Nangrugi ti operasyon daytoy iti oras ti 8:30 ti rabii agingga iti 11:30 ti rabii, no sadino 50% paylaeng kadagiti vendors ti napalubosan nga aglako.
Maipalagip nga inpasigurado ti lokal a gobierno a nainget ti agbalin a panagwanawanan iti panaglukat ti Night Market ken ti obserbasyon ti curfew hours ditoy siudad.
Immunan a kinuna ti City Administrators Office ti panagsagana ti lokal a gobierno para iti posible a panagngato ti kaso ti COVID-19 iti panaglukat ti night market kasta metten ti selebrasyon ti Christmas in Baguio.
