Manamnama nga agtalinaed iti Philippine Area of Responsibility (PAR) ti bagyo a Francisco agingga iti Biernes, Hunio 26, ngem nababa ti posibilidadna nga agland-fall iti daga.
Iti pannakiuman iti Bombo Radyo kenni Kathleen Labangco, Weather Specialist iti PAGASA Baguio, mapaspasaran dagiti localized thunderstorms iti sumagmamano nga aldaw, nupay awan pay iti direkta nga epekto ti Bagyo a Francisco iti siudad ti Baguio iti agdama.
Nagballaag pay ni Labangco a mabalin pay a pumigsa ti bagyo aginnga inton bigat, Hunio 23, ken mabalin a ma-enhance daytoy iti Habagat a mabalin a rason iti panagtudo iti sumagmamano a paset ti rehion Cordillera.
Mabambantayan met iti agdama ti maysa pay a Low Pressure Area iti ruar iti PAR a mabalin a maawagan iti bagyo a Gardo nu makaserrek iti pagilian.
Nagpalagip met ni Labangco iti publiko iti panagannad gapu iti panagbalbaliw iti sasaaden iti paniempo. | via Bombo Khey Reparip
