BAGUIO CITY – Binuangay ti Cordillera Regional Development Council ti Regional Balik Probinsya, Bagong Pagasa (BP2) Support Committee babaen iti maysa a resolusyon.
Nakedngan nga agserbi kas chairperson ti komiti ni Cabinet Officer for Regional Development and Security in Cordillera ken Agriculture Secretary William Dar.
Agserbi ti komiti kas regional counterpart ti national BP2 Council a mangim-implementar iti Executive Order No. 114 a nang-institutionalize iti Balik Probinsya, Bagong Pag-Asa Program kas pundasyon ti balanse a regional development.
Im-implementar ti BP2 ti nabayagen a maisaksakad a panakaiwaras ti kinabaknang, resources ken oportunidad manipud iti National Capital Region ken dadduma a metropolitan areas paturong kadagiti probinsia iti pagilian.
Mandato pay ti BP2 Committee a mangbukel iti action plan iti panakaital-o ti panagdur-as ken panagpuonan kadagiti rehiyon.
