--Ads--
Impakaammo ti Commission on Elections (Comelec) a manamnama a malpas ti ballot verification inton Abril 20 agingga 21, kalpasan ti pannakayimprenta ti 53 a milion nga opisial a balota para iti Eleksyon 2025.
Kinuna ni Comelec Chairperson George Garcia a ti unnaenda ket dagiti addayo a lugar sakbay dagiti asideg.
Mangrugi ti panangiwarasda ti verified ballots iti maikadua a lawas ti Abril.
Inlawlawag ni Garcia a ti verification process ket addaan ti dua nga stage, ti manual verification babaen ti personnel ken machine verification.
Ti met voter information sheets ket maiwaras iti Pilipinas manipod Abril a uno agingga a trenta.
Kabayatanna, ti aldaw ti eleksion ket naikeddeng inton Mayo a dose iti agdama a tawen.
