--Ads--
Sinuspindir ti opisina iti Ombudsman ni Bamban, Tarlac mayor Alice Guo ken dua a dadduma pay iti agingga innem a bulan.
Daytoy ket gapu paylaeng iti impila ti Department of the Interior and Local Government (DILG) a graft charges wenno kaso kontra kenni Guo nga adda pakainaiganna iti Philippine Offshore Gaming Operator (POGO) iti masakupanna.
Sigun kenni DILG Undersecretary Juan Victor Llamas, ti kaso ket naipila iti opisina iti Ombudsman idi Mayo 24 ken naipaulog ti permit iti Hongsheng Gaming Technology Inc. nupay saan a nakompleto ti kompania dagiti requirements ken addaan iti expired license manipod Amusement and Gaming Corp. (PAGCOR).
Ngem nupay kasta, pinaglibakan ni Guo nga adda pakainaiganna iti operasion ti POGO.///Bombo Benjo Guzman
