Mapalpalagipan manen ti publiko nga agbalin a responable tapno maliklikan ti uram.
Daytoy ket kalpasan ti napasamak nga insidente iti uram iti maysa a furniture shop idiay Upper Atok Trail, Baguio City idi laeng kalman.
Iti panakiuman ti Bombo Radyo kenni Senior Fire Officer 1 Lloyed Ashley Furigay, panakangiwat iti Bureau of Fire Protection-Baguio, posible latta ti panagtaud iti uram iti baet a masansan a mapaspasara ita ti panagtudo.
Sigun kenni Furigay, masapol a lagipen dagiti safety measures tapno maliklikan ti uram kas iti panangsigurado nga awan ti mabatbati a lutlutwen, regular a panakasukimat dagiti wirings wenno linya iti kuryente kadagiti pagtaengan, ken saan a panangbaybay-an a maakses dagiti ubbing dagiti kagawan a mabalin a makapataud iti uram.//Bombo Jez Lapizar
