Nabigbigen ti nasarakan a bangkay iti maysa a lalaki a tumtumpaw iti Chico River idiay Catabbogan Pinukpuk Kalinga idi laeng kalman.
Nabigbig ti biktima a ni William Cagdan, residente iti Malagnat, Pinukpuk ken sigud a kameng ti Citizen Armed Force Geographical Unit.
Sigun kadagiti kabagian ti nasao a biktima, nangitulod ti biktima iti sumagmamano a naapit a saba sadiay Centro Malagnat idi Lunes, Hunio 24 ken nasubli iti balayda, idiay Sitio Sugyang iti isu metlaeng nga aldaw.
Nupay kasta, posible a nalmes daytoy bayat ti panagballasiwna iti Malagnat River a konektado iti Chico river a nakaalaan ti bangkay daytoy.
Sigun kadagiti maseknan nga otoridad iti nasao a lugar, addan iti breathing apparatus ti biktima, no sadino sumagmamano a bulan a naipasidong daytoy iti medical operation sakbay ti insidente.
Maipalagip a nasarakan ti bangkay ti biktima idi Mierkoles, Hunio 26 iti agdama a tawen iti Chico River, partikular sadiay Catabbogan, Pinukpuk Kalinga.
