MANKAYAN, BENGUET- Naiyawiden dagiti tallo a bangkay ti minero a nasarakan iti uneg ti usok sadiay Nayak, Sapid, Mankayan, Benguet idi February 23, 2026.
Iti pannakiuman ti Bombo Radyo iti Mankayan Municipal Police Station, kinompirmarda a naiyawiden iti siudad ti Baguio dagiti bangkay ti dua a minero manipud iti Upper Crystal Cave, Bakakeng Central, Baguio City.
Maibasar iti imbestigasion dagiti otoridad, nasarakan dagiti Under state of decomposition a bangkay ti tallo a biktima iti uneg ti usok.
Dua kadagiti biktima ti agtawen iti 22 ken 24 nga agpada a residente iti Upper Crystal Cave, Bakakeng Central, Baguio City bayat a ti maysa ket agtawen met iti 24 a residente iti Palatong, Tabio, Mankayan, Benguet.
Iti imbestigasyon dagiti otoridad, naudi a nakita dagiti biktima idi February 20, 2026 ken nasarakan dagtoy idi February 23, 2026.
Kabayatanna, naduktalan nga asphyxia secondary to the inhalation of wenno pananglang-ab iti saan a nabigbig a gas ti rason iti ipupusay dagitoy.
Sigun kenni PCPT Jeoffrey C. Bayading, Chief of Police ti Mankayan Municipal Police Station, inkari ti boss dagiti biktima a mangipaay iti financial a tulong. //mp4
