BAGUIO CITY – Naiyawiden sadiay Kapangan, Benguet ti bankay ti criminology student a pimmusay iti panagdinnungpar ti inmanehona a motorsiklo ken ti maysa a lugan sadiay Km. 12, Shilan, La Trinidad Benguet idi agsapa.
Nabigig daytoy a ni Quid Polig Lee, 22-anyos, baro, tubo ti Labueg, Kapangan, Benguet ken residente ti Central Buyagan, La Trinidad, Benguet.
Nabigbig met ti driver ti lugan a ni Benjamin Tabayoyong, 34-anyos, tubo ti Tabuk, Kalinga ken residente ti Km. 14, Caponga, Tublay, Benguet.
Maibasar iti report, paturong ti motorsiklo ken ti kagiddana a lugan iti direksyon ti Caponga, Acop, idi aksidente a naidungpar ti motorsiklo iti kanigid a paset ti nasao a lugan.
Naiturong iti ospital ti nadangran nga estudyante ngem naideklara a pimmusay.
Kabayatana, nakumpiskar ti lisensya dagiti driver a karaman ti insidente bayat a temporaryo a na-impound dagiti behikulo iti La Trinidad Municipal Police Station – Traffic Management Unit. (with Bombo Brigitte Marcasi through Bombo Florence Paytocan)
