Impanamnama ti Department of Foreign Affairs a marekober ti bangkay dagiti dua a Filipino seafarers a napapatay iti missile attack ti Houthi rebel group apaman a makasangpet ti barko a naglugananda idiay Oman.
Sigun kenni Foreign Affairs Undersecretary Eduardo de Vega, ti bangkay dagiti pimmusay a Pilipino ket adda pailaeng iti uneg ti barko.
Maipalagip nga inatake ti Houthi rebel group ti barko sumagmamano nga aldaw ti napalabas bayat ti panagdalyasatna iti Gulf of Aden.
Karaman kadagiti nakalugan iti daytoy ket dagiti sangapulo ket lima a Filipino crewmen nu sadino sangapulo ket tallo kadagitoy ti nakalasat manipud iti panagatake.
Manamnama met makaawid iti pagilian dagiti sangapulo ket maysa a Pilipino inton bigat, Marso 12, bayat a maur uray ti panagimbag dagiti dua a nadangran sakbay a sumaruno a sumaruno dagitoy.
