Patien ti pamilia ti nasarakan a bangkay idiay Bomosgao River idi kalman nga awan ti “foul play” a napasamak.
Ti biktima ket nabigbig nga agtawen iti 23, single, addaan iti mental problem, construction worker, ken agdama a residente iti siudad ti Baguio.
Maibasar iti report iti pulisua, agarup alas-10 ti agsapa idi kalman a nakaawat dagiti otoridad iti awag nga adda ti nasarakan a bangkay iti nasao a karayan.
Iti imbestigasion, agarup alas-6 ti agsapa, nakadanon ti maysa a mannalon nga agtawen iti 48 iti kababaan a paset iti Bomosgao Poblacion, Tuba, Benguet tapno ag-scout ken agbiruk iti bee hives.
Bayat a magmagna ti 48-years old nga indibidual iti “bushes iti ngato a paset iti creek, nakaangot daytoy iti nabangsit iti creek. Siniripna ti creek nga adda iti baba nga agrukod iti 50-70m depth falls ket nakitana ti maysa a bangkay ti lalaki a nakadata a tumtumpaw.
Dagos nga inreport daytoy iti Barangay Chairman nga isu metten ti nangireport iti kapulisan.
Na-organisar a dagos ti retrieval team a buklen ti Tuba MDRRMO, Tuba BFP, ken Barangay Official.
Nakikoordinar a dagos daytoy iti SOCO ti Benguet ken Tuba MPS.
Iti alas-10:30 iti agdapa iti nasao nga aldaw, dimteng ti composite team ti Tuba MPS, Tuba BFP, Benguet PFU, Tuba BJMP, Barangay Officials ti Poblacion, Tuba, Benguet bayat nga inkabil met ti Tuba BFP ti high angle rescue operation.
Nagpatingga met iti pasado alas-3 ti malem ti pannakaiproseso ti lugar.
Nabigbig daytoy ti kapamilia ti bangkay babaen iti body features ken bado.
Ti biktima ket naudi a nakita a magmagna iti Marcos Highway paturong Barangay Poblacion, Tuba, Benguet sakbay a napukaw idi March 20. Nakakawes ti biktima iti isu metlaeng a bado idi naudi a nakita idi nasarakan daytoy. | via Bombo Noveh Organo
