BAGUIO CITY- Nasarakan ti bangkay ti maysa a lalaki iti rangkis sadiay Km. 46, Half Tunnel, Bonglo, Paoay, Atok, Benguet idi malem kalman (April 24).
Nabigbig daytoy a ni Mayo Ngoyngoy Dongga-as, 57-anyos, naasawaan, mannalon ken residente ti Km.47, Bonglo, Paoay, Atok, Benguet.
Maibasar iti imbestigasion, naudi a nakita ti biktima a nakatakder iti igid ti kalsada a nakainom idi Abril 23, alas onse ti agsapa.
Sigun pay iti report, saan a makontak ni Mayo rason a sinapol ti pamilyana agingga a nasarakan ti bangkay daytoy iti 100 metro ti kaunegna a rangkis.
Naiturong ti biktima iti Atok District Hospital, Sayangan, Paoay, Atok para iti eksaminasion.
Nupay kasta, mamati ti pamilya nga aksidente ti ipupusay ti biktima isut gapu a nagkedked dagitoy nga ipasidong ti bangkay iti otopsiya.
