--Ads--
BAGUIO CITY – Nasarakan ti bangkay ti maysa a lalaki iti sangwanan ti maysa a pawnshop sadiay Hilltop, Kayang, Baguio City idi kalman.
Nabigbig ti bangkay a ni Roman Quizon, maysa kadagiti porter iti nasao a lugar.
Maibasar iti report, nakaawat iti awag ti BCPO – Station 7 manipod iti maysa a maseknan nga umili seknan iti lalaki a nakadasay iti sangwanan ti nasao a pawnshop.
Dagos a nagresponde dagiti otoridad ken dagiti opisyales ti maseknan a barangay.
Naala iti bangkay ti P3,000 ken naipaiman ti kwarta kenni Barangay Kagawad Mercy Portiz.
Addan ti bangkay ti lalaki iti Baguio Memorial Chapel ken saanen a maipasidong iti otopsiya gaputa sigun kadagiti barangay officials ket siguden nga adda sakit ni Quizon. [-with Bombo Nikki Agsiweng]
