Nargaay ti maysa a bantay a nangitunda iti panagreggaay metlaeng ti paset ti garden sadiay Kapalan, Catlubong, Buguias iti malem idi laeng kalman.
Iti panakiuman ti Bombo Radyo kenni Leonida L. Bantian, residente sadiay, kinunana nga adda ti binumtak nga under ground water iti nasao a garden a nangitunda iti in-inut a panagregaay ti nasao a bantay.
Sigun kenkuana, adda ti nastranded sadiay a maysa nga indibidual ngem nakalasat metlaeng daytoy kalpasan nga in-inut a nagkaradap idi sinmardeng ti panagregaay ti daga.
Kinunana nga adda metlaeng dagiti tallo nga agtrabtrabaho iti bangir a paset daytoy ngem dagusda a pimmanaw iti nasao a lugar.
Innayonna a naala metlaeng ti paset ti kalsada sadiay rason a saan nga advisable a pagnaan ti lugan.
Nangapektar met daytoy iti pagbiagan dagiti gardenero agsipud ta saanen a mabalin a mamulaan daytoy gapu iti kinarisgo ti nasao a lugan.
