Nagballakad ti Barangay Ampucao kadagiti minero iti nasao a barangay iti kanayunan a panagganad nangnangruna nu kasapulanda nga umuneg iti bukodda nga usok.
Daytoy ket kasaruno iti ipupusay ti maysa a lalaki nga agtawen iti 27, sigud a kagawad ken maysa kadagiti constituent iti nasao a barangay gapu iti gas iti uneg ti usok itay nabiit.
Iti pannakiuman ti Bombo Radyo kenni Freddie Altiga, Punong Barangay ti Barangay Ampucao, Benguet, kinuna a nagturong ti biktima iti usok tapno mangiturong iti danum nga aramatenda ngem saanen daytoy a nakalasat gapu iti gas iti uneg ti usok.
Gapu iti daytoy, nagballaag ni Altiga kadagiti small-scale miners a nu kasapulan nga umintrada kadagiti bukodda nga usok ket nu mabalbalin, iblowerda pay ti makin-uneg tapno rumwar ti naurnong a gas iti uneg. //kcs//
Buyaen ti paset ti pannarita ni Ampucao Punong Barangay Freddie Altiga:
