Naipasidong ti agarup 150 a miyembro ti Barangay Peacekeeping Action Teams (BPATS) manipud iti nagduduma a barangay iti Munisipyo ti La Trinidad, iti maysa a training seknan ti panagresponde
Ti nasao a training ket naipatungpal bayat ti orientation iti Standardized Barangay Tanod Manual and Training Curriculum nga impatungpal ti local government unit kas panangsuporta metlaeng iti maika-32 National Crime Prevention Week (NCPW) ti La Trinidad Municipal Police Station (LTMPS).
Naisuro iti nasao a training ti umno nga arrest techniques, crucial role dagiti first responders nu adda ti Vehicular Traffic Accidents (VTA) ken epektibo a traffic management.
Sigun kenni PLTCOL Zacharias Caloy Dausen, Chief of Police ti La Trinidad Municipal Police Station , naipatungpal daytoy tapno mapasayaat pay ti pamay-an dagiti barangay tanods nga agresponde nangnangruna ta dagitoy ti agserserbi kas first responders.
Innayon daytoy nga adda dagiti gundaway a dumanon iti lima a minutos sakbay a makapagresponde ti kapulisan iti anyaman a mapasamak a krimen wenno insidente.
Impeksa met daytoy nga agtuloy daytoy a training no sadino idi napalabas a lawas, nasuroan metlaeng dagiti barangay tanod seknan iti nagduduma a linteg tapno maamuanda dagiti limit ken no kasano dagitoy a makatulong iti panagresponde da. // via Bombo Noveh Organo
