Sipapanakel nga impakaamo ti Barangay Shilan a daytoy ti mangirepresentar iti munisipyo ti La Trinidad, Benguet para iti “Search for Best Tourism Village in the Cordillera 2024.”
Iti nasao a panakipaset ti Barangay Shilan iti nasao a pasalip, naipakita ti naisangsangayan a kinapintas ti nasao a barangay kas iti klima ken agrikultura daytoy.
Sigun kenni Rushel Montes Lictag, ti SHITOGA Information Officer, ti Shilan ket saan laeng a destinasyon nu diket maysa a perpekto a lugar para iti relaxation kasta met a lugar para iti adventure.
Maipalagip a ti Department of Tourism – Cordillera Administrative Region ket nangiyuswat manen iti Search for the Best Tourism Village iti nagduduma a probinsya ti Abra, Apayao, Benguet, Ifugao, Kalinga, ken Mountain Province.
Kabayatanna, maal-allukoy pay dagiti daduma nga ili iti rehiyon Cordillera a mabalin pay dagitoy a makisali iti nasao a kompetisyon gapu ta agleppas ti submission iti entries inton September 6, 2024
Dagiti naituding a papremyo para iti daytoy a pasalip ket P1 million, trophy ken token ti maipaay iti First Place bayat nga iti Second Place ket P500-K, trophy ken token; Third Place ket P200-K, trophy ken token ken kadagiti tallo a runner-up ket maipaay ti sag P100-K, trophy ken token.
