Pinaglibakan ni Senator Panfilo Lacson ti nagbalin nga statement ni Senator Imee Marcos a konektado iti charter change ti maatap a baro a panggep a masukatan ti liderato idiay senado.
Immunan nga inwaragawag ni Senator Imee Marcos nga adda ti panggep dagiti kayatna a mangsukat iti liderato ti senado a mangbukkel iti Constituent Assembly (Con-Ass) tapno mabaliwan dagiti sumagmamano a probisyon ti saligang batas.
Karaman ditoy ti panangilaylayon ti termino ti presidente ken panagbaliw iti minimum age requirement ti maysa nga agkandidato iti kinapresidente tapno mapaburan ti mannarimaan nga administrasyon.
Nupay kasta, sigun kenni Senator Lacson, awan kinaagpasuanna daytoy.
Inlawlawagna nga iti kinapudnonna, saan a napagtatalantanan wenno nadakdakamat iti minority bloc ti maipanggep iti con-ass.
Maipalagip nga iti las-od ti uppat a tawen a panangidadaulo ni President Ferdinand Marcos, Jr., uppat metten a daras a nagsukat iti liderato ti senado. //bombokaren.c.sapirao
