--Ads--
BAGUIO CITY – Nailista manen ti baro a kaso ti African Swine Fever (ASF) sadiay probinsia ti Benguet.
Sigun kenni Benguet Provincial Veterinarian Dr. Miriam Tiongan, nailista ti baro a kaso ti ASF sadiay Shilan, La Trinidad idi napalabas a lawas.
Kinunana a lima a baboy ti natay ken nagpositibo dagitoy ti ASF kas maibasar iti resulta ti naisayangkat a rapid test kadagitoy.
Naduktalan iti imbestigasyonda a pinakan ti hog raiser dagiti tarakenna a baboy iti meat base ken arasaw a naalana iti maysa a restaurant iti siudad ti Baguio.
Gapu iti daytoy, umap-apela manen ni Dr. Tiongan kadagiti agtartaraken ti baboy iti saanda a panagkampante gaputa adda latta ti ASF a mang-apapektar iti hog industry ti probinsia.
