Naipakita iti publiko ti baro a logo ti Overseas Workers Welfare Administration idi kalman.
Ti panakabaro ti logo ti nasao nga ahensya ket gapu iti komitment dagitoy a mangipaay iti nasaysayaat a serbisyo kadagiti Overseas Filipino Workers.
Sigun kenni Department of Migrant Workers Hans Leo Cacdac, ti sigud a logo ti Overseas Workers Welfare Administration ket naibasar iti mother agency dagitoy a Department of Labor and Employment.
Nupay kasta, gapu ta daytoy ket makikokoordinar iti Department of Migrant Workers ket nagresulta iti panakaaramid ti baro a logo a mangipakpakita iti transition ken transformation.
Iti nasao a baro a logo, naipakita ti tallo nga star a mangipaspasimudaag iti panagkaykaysa ti gobyerno kadagiti OFW’s kasta met kadagiti pampribado a sektor; adda met ti init a mangisimsimbolo iti functions ti OWWA ken naaramat ti kolor ti bandera ti Pilipinas.
