BAGUIO CITY – Nakemmeg ti maysa a delivery boy kalpasan a ginandatna nga alaan iti ladawan ti maysa a balasitang sadiay M. Roxas, Alfonso Tabora, Baguio City.
Nabigbig daytoy a ni Benjie Bringuela, 28-anyos, awanan asawa ken residente ti Rimando Road, Baguio City bayat a ti biktima ket 17-anyos ken residente iti nakapasamakan ti kaso.
Maibasar iti report, nagturong ti biktima iti bathroom tapnu agdigus ngem sadiay a nakitana ti suspek a simrek iti silid iti abay ti bathroom.
Ikkaten kuman ti biktima ti underwear daytoy idi nadlawna ti ima ti suspek a naka-iggem iti cell phone a nangitunda tapnu agpukkaw daytoy.
Dagus nga impaka-ammo ti biktima kadagiti nagannakna ti insidente ken pinilitda a lukatan ti ridaw nga ayan ti suspek agingga nga inlukat daytoy ti suspek.
Ginandat ti suspek a dangran ti ama ti biktima ngem pinang-or ti kabsat ti biktima ti saka ken ima ti suspek babaen iti walis.
Inyawat ti suspek ti cell phone iti biktima kalpasan ti komprontasyon dagitoy ken naipaima met ti nasao a gadget ti pulisya.
