--Ads--
Impakaamo ti Philippine Coast Guard a ti sumaruno nga spokeperson dagitoy ket ni Commodore Algier Ricafrente.
Daytoy ket kagiddan ti umadanin a panagretiro ni Rear Admiral Armando Balilo inton Setyembre a trenta iti agdama a tawen.
Iti naipatungpal a turnover ceremony, inyebkas ni Balilo ti panagyamanna iti Coast Guard Public Affairs Service (CGPAS) stakeholders kasta met kadagiti media a nagbalin a paset ti karerana.
Kiniddawna met ti agtultuloy a panagsuportda dagitoy iti sumaruno nga spokeperson.
Maipalagip a ni Balilo ket nagserbi kas spokeperson ti Philippine Coast Guard manipud tawen 2003.
