--Ads--
BAGUIO CITY – Pimmusay ti maysa a baro kalpasan a nakuryente sadiay Abra idi kalman.
Nabigbig daytoy a ni Melvin Valeros, 18-anyos ken residente ti Sitio Alimbobooc, Sao-atan, Bangued, Abra.
Iti imbestigasyon dagiti pulis, nagturong ti biktima ken ti kadwana iti karayan sadiay Palao, Abra tapno agkalap wenno agbanniit.
Nupay kasta, kabayatan a magmagna dagitoy iti irrigation canal ket killaat a naisagid ti kawayan a fishing rod ni Valeros iti nakabitin a service drop ti Abra Electric Cooperative a rason ti panaka-kuryentena.
Dagus met a nagpa-arayat ti kadwana ken naitaray ti biktima iti Abra Provincial Hospital.
Nupay kasta, naideklara a pimmusay ti nasao a baro.
