--Ads--
BAGUIO CITY – Malamlamayan ita ti maysa a baro kalpasan a pimmusay idi naidungpar iti steel sign board ti imanmanehona a motorsiklo iti Tabuk-Isabela road sadiay Mapaoay, Ipil, Tabuk, City, Kalinga idi kalman.
Nabigbig ti biktima a ni Jimboy Binuloc Layugan, 23, ken residente ti Nambaran, Tabuk City, Kalinga.
Maibasar iti imbestigasyon ti Tabuk Police, daldalyasaten ti motorsiklo ti nasao a kalsada idi naidungpar daytoy iti steel sign board nga adda iti igid ti kalsada.
Gapu iti daytoy ket naipurwak ti biktima ken intaray daytoy dagiti concerned citizens iti ospital ngem naideklara a dead on arrival.
Dagus met nga inyawid dagiti kakabagianna ti bangkay ti biktima.
