Agtultuloy latta a parikut ti Barangay Balili, la Trinidad, Benguet ti basura iti baet ti programa ken aktibidad dagitoy a clean up drive kangrunaan kadagiti waig wenno karayan.
Iti pannakiuman ti Bombo Radyo kenni Billy Bilango Brgy. Captain ti barangay Balili, kinuna a parikut latta dagitoy ti basura iti laksid ti masansan a panagdalus dagitoy ket adu paylaeng dagiti agkaiwara nangruna kadagiti karayan.
Impeksana pay nga adda ti ipatpatungpal dagitoy a panagdalus tunggal sabado.
Malaksid iti dayta, adda metlaeng ti linawas nga ipatpatungpal dagitoy a clean up drive kadagiti aglawlaw pakairaman ti Balili River.
Nupay kasta, adda latta dagiti sumagmamano nga indibidual nga agibel-belleng iti daytoy.
Imbinglayna metlaeng nga adda dagiti matiltiliwanda nga ipapaayanda iti ticket ken adda metten dagiti namulmulta.
Iti baet dayta, dadduma kadagiti agbelbelleng ket saanda a matiltiliwan.
Innayonna pay a mamingsan ket uray saan nga oras ken schedule ti collection ti basura ket adda latta dagiti agibasura iti dayta.//via Bombo Noveh Organo
