Agtaltalinaed a parikut ti basura iti siudad ti Baguio nangruna iti Night Market ita holiday season.
Gapu iti dayta, agtultuloy ti pannakimanehar ti basura tunggal rabii iti night market.
Nupay kasta, saan nga amin a paset ti siudad ket maimanehar dagiti basura nangruna ket agkurkurang ti pagbasuraan iti siudad.
Gapu iti dayta, makidkiddaw kadagiti food stablishments a bilinenda dagiti personel dagitoy nga imonitorda dagiti basurada.
Kabayatanna, naobserbaran ti adu a bilang dagiti tattao iti ita a holiday session iti siudad.
Nupay kasta, saan a napasaran ti nailet a gunay dagiti tattao nangruna kadagiti paglakuan gapu iti impatumpal dagiti otoridad a one way pedestrian traffic Scheme.
Iti interview iti Bombo Radyo kenni Daryll Kim Longid, mangidadaulo iti Public Order and Safety Division, kinuna na a balligi ti pannakaipatumpal iti nasao nga addang babaen iti panagtitinnulog dagitoy kadagiti nagduduma nga ahensia iti siudad kas iti night market leaders ken dadduma pay.
Malaksid iti dayta, agtultuloy latta a nakastandby dagiti kameng ti pulisya iti night market para iti siguridad dagiti tattao iti nasao paglakoan.//mp4
