Impanamnama ti Bases Conversion and Development Authority wenno BCDA a nakasagana dagitoy a mangipaay iti amin a pagkasapulan dagiti delegado para iti maika 75 nga edisyon ti Januarius Fil-Am Golf Invitational a maipatungpal intun Nobiembre agingga Disyembre.
Sigun kenny Atty Hilario Paredes, Chairman ti BCDA, magagaran dagitoy a mangpataray iti kadakkelan nga amatuer golf tournament kabinnadang da ti Baguio Country Club ken John Hay Golf.
Daytoy met ti kaunaan a gundaway a mapadasan ti BCDA a mainayun iti FILAM golf tournament manipud iti balligi a panagkontrol da iti Camp John Hay idi napalabas a bulan ti Enero iti agdama a tawen.
Dumanon iti agarup 1,500 a golfers ti makisalip iti agarup tallo a lawas a kompetisyon a maisayangkat kadagit holf courses ti Baguio Country Club ken Camp John Hay.
Partisiparan daytoy dagiti top caliber amateur golfers ti pagilyan pakairaman dagiti foreign players.
Maipalagip nga idi napalabas a lawas ket nagpirmaan ti maysa a Memorandum of Agreement iti nagbaetan da Atty. ti BCDA , Mr. Anthony De leon ken Eduardo Arguelles dagiti Co-Chairman ti Fil-Am Invitational, ken JJ Atencio ti Chairman ken CEO ti title sponsor ti Fil-Am Golf a Januarius Holdings Inc.
