--Ads--
BAGUIO CITY – Nakemmeg ti maysa a beautician a sigud a drug surrenderee iti buy-bust operation nga insayangkat dagiti otoridad iti uneg ti maysa nga inn sadiay Lakandula Street, Kagitingan, Baguio City idi kanikadua.
Nabigbig daytoy a ni Armando Padua Estela Jr. alyas ‘Trixie’, 40-anyos ken residente ti Sanitary Camp, Baguio City.
Nakumpiskar kenkuana ti tallo a pakete ti mapapati a shabu nga agdagsen ti agarup 3 gramo ken ti cellphone a naaramat iti transaksion.
Narekober pay kenni Trixie ti naaramat a boodle money.
Naipasidongen ti nakemmeg nga indibidual iti drug test bayat a naipila metten ti kasona a panaglabsing iti RA 9165 wenno ti Comprehensive Dangerous Drugs Act of 2002. (-with Bombo Brigitte Marcasi)
