Nakasagana ti Benguet Electric Cooperative (BENECO) nga asistaran dagiti daduma pay nga Electric Cooperatives (ECs) iti pagilian nga agtarigagay a maaddan ti Supervisory Control and Data Acquisition (Scada) system.
Iti panakiuman ti Bombo Radyo kenni Laarni Ilagan, Community Relation Associate ti Benguet Electric Cooperative (BENECO), dakkel ti pagsayaatan a maipaay ti panakaikonektar ti SCADA sytem ti BENECO iti national command center gapu ta babaen iti daytoy ket mamonitor ti sitwasyonna iti “real time” nangruna nu agdalapus dagiti kalamidad.
Maipalagip nga indauloan ni Department of Energy Seceratary Raphael Lotilla ti panangiyuswat ti National Electrification Administration (NEA) iti hook up kadagiti tallo nga Electric Cooperatives iti pagilian pakairamanan ti Benguet Electric Cooperative (BENECO), Cebu III Electric Cooperative, Inc., ken ti Misamis Oriental-1 Rural Electric Service Cooperative ita laeng a bulan.
Kabayatanna, kinablaawan met ni Seceratary Lotilla ni Beneco General Manager Melchor Licoben kabayatan ti launching dagitoy.
Kadagiti sangagasut dua pulo ket maysa nga Electric Cooperatives iti pagilian, ti BENECO ti kaunaan a naaddan iti Supervisory Control and Data Acquisition (Scada) system.//Bombo Rob Dominguez
