BAGUIO CITY – Ipangpangruna ti City Government ti siudad ti Baguio ti panangilawlawag kadagiti residente seknan iti maisaksakad a Barangay Merging iti siudad.
Iti pannakiuman ti Bombo Radyo kenni Benjamin Macadangdang, Head ti Special Services Division ti City Mayor’s Office, adu ti pagsaayan ti merging dagiti barangay iti baet a dakkel ti responsibilidad.
Karaman kadagiti pagsayaatan ket ti pannakaresut dagiti boundary disputes, nasaysayaat ken ad-adda a propesyonal a panangidalan iti administrasion iti barangay.
Sigun pay kenni Macadangdang, makatulong daytoy iti panangrisut kadagiti isyu kas iti basura ken squatting.
Malaksid iti dayta, dumakkel ti pondo a maipaay iti tunggal barangay.
Impetteng ti opisial nga iti baet a nabayagen a napagsasaritaan ti nasao a plano, adda latta dagiti sumagmamano a Barangay officials ken umili a saan pay a pabor iti Barangay merging.
Gapu iti dayta, itultuloy ti lokal a gobyerno ti information dissemination tapno mailawlawag iti publiko dagiti posible nga epekto ken benepisyo ti nasao a plano.//Bombo Khey Lorine Reparip
