BAGUIO CITY – Inwaragawag ti ama ti probinsya ti Benguet a mangilatang ti lokal a gobierno iti pondo kas tulong pinansial kadagiti biktima ti bagyo nga Odette.
Kabayatan ti taripnong ti Provincial Disaster Risk Reduction and Management Council idi kalman, nabigbig ti pito a probinsia a maipaayan iti sag-P200K manipud iti probinsia ti Benguet kadagiti rehion sadiay Visayas ken Mindanao.
Makiyuman ti Provincial DRRM Office iti Office of the Civil Defense -Cordillera ken iti League of Provinces of the Philippines para iti panakaipaima ti financial support ken dadduma pay a tulong manipud iti probinsia.
Maipaalgip nga itay nabiit ket naaprubaran ti P5M a tulong pinansial ti siudad ti Baguio kadagiti naapektaran iti bagyo.
Maibasar iti datus, 38 nga LGUs ti umawat iti sag-P100-K bayat nga innem nga LGUs ti umawat iti sag-P200,000.
Iti kaudian a report ti National Disaster Risk Reduction and Management Council (NDRRMC), dumanon itan iti 389 ti bilang dagiti pimmusay gapu iti bagyo.
Dumanon met iti 64 nga indibidual ti mapukpukaw paylaeng bayat a nga agarop iti 1, 500 dagiti nadangran.
