Nabigbig ti probinsya ti Benguet kas addaan iti “highest functional literacy rates” iti pagilian a dumanon iti 87.9%; sarunoen ti Apayao nga addaan iti functional literacy rates a dumanon iti 86.8%; Rizal nga 82.1%; Romblon nga 81.9%; Siquijor nga 80%; Bohol 79.2%; Bataan nga 77.8%; Cavite ken South Cotabato a 77.4%.
Daytoy ket kas maibasar iti Functional Literacy, Education and Mass Media Survey (Flemms) nga impatungpal ti Philippine Statistics Authority (PSA).
Ti panakabigbig ti Benguet ken Apayao ket mangipakpakita nga awan imposible iti laksid a dagitoy ket adda iti “rugged corner” ti pagilian.
Mangipakpakita met laeng daytoy a prayoridad ti edukasyon iti rehiyon Cordillera.
Iti sabali a bangir, dagiti Top 10 highly urbanized cities nga addaan iti highest basic literacy rates ket ti Pasay nga addaan iti 96.2%; Cagayan de Oro a 96.1%; San Juan ken Pasig a 95.5%; Mandaue a 95.2%; Pateros Town a 95.1%; Olongapo a 94.9%; Cebu a 94.7%; Taguig a 94.6% ken Makati a 94.3%.
