Nakasaganan ti Benguet Police Provincial Office (BPPO) para ti parada a maipatungpal inton July 15 para ti selebrasyon ti Cordillera Month a maipatungpal iti munisipyo ti La Trinidad, Benguet.
Sigun kenni Pcol Dionisio Bonoy, Provincial Director ti Benguet Police Provincial Office, agarup nasuruk kumurang dua gasut dagiti maideploy manipud ti kameng ti kapulisan, Barangay Peacekeeping Action Teams ken volunteer groups.
Impeksana nga addan dagiti plano dagitoy no sadino karamanen ti pannakaimando ti gunay ti trapiko ken pannakaipost ti traffic advisory, panangpatalinaed ti seguridad, ken daduma pay tapnu malapdan ti anyaman a krimen a mapasamak.
Malaksid ti dayta, impettengna a makikokoordinar dagitoy iti Local Government Unit ken daduma pay nga stakeholders. Mainaig ti dayta, maaramat metlaeng dagiti drones para ti pannakamonitor ti gunay ti trapiko.
Impeksa ni Pcol Bonoy a dakkel a tulong daytoy para ti traffic direction, traffic control ken security. Kabayatanna impeksa met ni Pltcol Zacarias Caloy Dausen, Chief of Police ti La Trinidad Municipal Police Station malaksid kadagiti drones a maar-aramat para ti panaglive monitoring ket maaramat metlaeng dagiti CCTV no sadinno nakapagprocure dagitoyen ti kanayunan a CCTV a mabalin a maaramat a pagmonitoran dagitoy ti sitwasyon – saan laeng a para iti gunay ti trapiko no diket pati metlaeng iti crime prevention.
Innayun met ni Pltcol Dausen a maadaan ti road closure kabayatan ti parada no sadinno posible a saan a mapalubosan ti panagexit ti lugan iti Motorpool Road. Maguyguyugoy ti publiko a bisitaenda ti social media page dagitoy para kadagiti traffic advisories. // Bombo Noveh Organo
