Nakasaganan ti Benguet Provincial Police Office para ti panakaobserbar ti Holy Week wenno Semana Santa a nangrugin ita a Palm Sunday.
Ti Semana Santa ket agpaut agingga inton Easter Sunday, April 5, 2026.
Sigun kenni Police Colonel Lambert A. Suerte, provincial director ti Benguet Police Provincial Office, adda ti kanya-kanya a deployment dagiti municipal stations iti intero a probinsya.
Kinunana a ma-establish dagiti police assistance desks kadagiti kalsada ken kadagiti tourists spots kasta metten iti daduma a natatao a lugar tapno maliklikan dagiti untoward incidents kas iti pickpocketing,salisi ken daduma pay nangruna ta manamnama ti pangsangbay latta dagiti turista kadagiti nagduduma a munsipyo iti Benguet.
Kagiddan dayta, impettengna a napateg ti police visibility ken nagpalagip metlaeng kadagiti turista wenno iti publiko seknan iti panangplanoda a nasayaat kadagiti panagbiaheda.
Kabyatanna, innayon ni PCol. Suerte nga addaan dagitoy iti programa nga “OPLAN TALYER” nu sadino, dagiti kapulisan ket nakasagana a tumulong kadagiti madadaelan ti lugan.
Kinuna met ti opisyal a saan nga agbain dagiti publiko nga umasideg kadagiti pulis tapno agpatulong ken nagpalagip seknan iti panangcheck iti BLOWBAGETS kasta metten ti panangikondisyon iti bagi sakbay nga agbiahe.//Bombo Noveh Organo
