Impaay iti Regional Oversight Committee (ROC) ti Drug-Cleared ken Drug-Free Controlled Facility certificate iti Benguet Provincial Jail (BPJ), a pormal a nabigbig a sumursurot kadagiti pagalagadan iti maysa a drug-free a pasilidad.
Naipaay ti certificate babaen kenni PDEA-CAR Regional Director Martin Francia ka da Governor Melchor Diclas ken Jail Warden Peter Tip-ac idi Hunio 22, 2026 iti Benguet Provincial Capitol. Immunan nga inaprobrana iti ROC idi Hunio 10 ti panagsurot iti BPJ iti amin iti kasapulan a kasasaad.
Karamana kadagiti pagalagadan ti kinaawan iti kontrabando ken communication devices iti uneg iti pasilidad, negatibo a drug test iti amin iti persons deprived of liberty at personnel, ken adda ti reformation ken drug-free programs.
Sigun iti pagalagadan iti BPJ, nangisayangkatda iti drug-free workplace policy, nainget nga screening iti bisita, regular ken random drug testing, panagsanay iti staff, ken napapigsa a rehabilitation programs manipod 2025 agingga 2026.
Impaganetget ni Jail Warden Tip-ac a napateg a saan laeng a panagsurot kadagiti regulasion nu diket iti nalawlawa a kampania kontra iti iligal a droga, kagiddan iti panangtalinaed iti drug-free environment iti uneg iti pagbaludan.
Impalagip metlaeng iti ROC a mabalin a maikkat ti certification nu saan a masurot dagiti pagalagadan, isut gapuna nga agtultuloy ti monitoring ken reporting iti PDEA iti pasilidad.
