La Trinidad, Benguet- Naituding nga idaolwan ni Department of Education Secretary Sonny Angara nga inagunaran ti kaunaan a Inclusive Learning Resource Center (ILRC) iti Cordillera.
Ti nasao a pasilidad ket masarakan idiay Benguet Special Education Center sadiay Wangal, La Trinidad, Benguet.
Sigun kenni Jennifer Cayat, maysa a mannursuro iti Benguet SPED Center, adda dagitoyen iti inisyal a phase tapno in-inot a mapagbalin dagiti ordinaryo a silid pagadalan kas child-friendly ken inclusive general education classroom nu sadino dagiti Learners with disabilities kwen with special needs ket maipaayan iti patas nga oportunidad nga agadal.
Impanakkel pay ni Cayat nga adda dagitoyen iti maikatlo a tawen a transition tapno mapagbalin nga Inclusive Learning Resource Center ti pagadalan da kas maitunos iti RA 11560 wenno mapagbalin amin a SPED Centers iti pagilyan kas ILRC.
Dagiti ILRC ket mangipaay iti kanayaunan a resources, aids, assistance ken adjustments nangruna kadagiti ubbing with special needs tapno makasabay iti education curriculum.
Malaksid kadagiti mannursuro a mangimanihar iti nasao pasilidad, naikeddeng a mainayun ditoy dagiti doctors, therapists ken medical staff tapno naan-anay ti suporta a maited kadagiti estyudante. // Bombo Jordan Tablac
