Rinambakan iti Bureau of Fire Protection wenno BFP Baguio ti Fire Prevention Month iti tema a “Hangad Nating Lahat, Pamayanang Handa, Aktibo at Masagana.”
Panggep daytoy nga agbalin a nakasagana ken naridam dagiti umuli iti siudad ti Baguio iti panangliklik iti uram.
Karaman kadagiti aktibidad ti lectures ken seminars iti barangay, Oplan Ligtas na Pamayanan, motorcade, fun run, zumba, Fire Square Roadshow, Rescuelympics, ken Preparedness Training for Women.
Sigun kenni Senior Fire Officer 1 Lloyd Ashley Furigay, napateg ti panangrambak iti panangipaay iti impormasyon iti komunidad.
Kabayatanna, kinuna ni FSUPT Mark Anthony Dangatan, City Fire Marshal, a panggepda nga ad-adda a pasayaaten ti serbisio iti siudad babaen iti additional fire sub-stations, moderno a kagawaan, ken digital platforms para iti napartak nga impormasion ken fire safety tips.
