Naragsak a sinangaili ni President Ferdinand “Bongbong” Marcos ni Bhutan Prime Minister Tshering Tobgy idiay Malacanang.
Ti nasao a lider ti kaunaan a prime minister a nangmarka iti leader’s level engagement iti nagbaetan ti Pilipinas ken Bhutan.
Daytoy metlaeng ti umuna a gundaway a nag-host ti Pilipinas iti maysa a Bhutanese leaders idiay Palasyo.
Pinagsaritaan dagiti dua a lider ti panangparegta ti dua a pagilian karaman iti panangbukel ti non-resident ambassadors ken kooperasyon iti skill training babaen iti Technical Education and Skills Development Authority (TESDA).
Impetteng ni President Ferdinand Marcos, Jr. a kasapulan a palawaen ti partnership iti trading, turismo, ken people-to-people exchanges iti nagbaetan ti dua a pagilian.
Bimmisita metlaeng ni Tobgy iti pagilian para iti Asia Pacific Food Systems Forum 2026. //bombokcs
