BAGUIO CITY – Nabigbigen dagiti biktima iti napasamak a Vehicular Traffic Accident (VTA) iti deppaat ti Km. 3 Asin Road Suello Village, Baguio City
Maibasar iti report, nabigbig dagiti tallo a pimmusay a da Joseph Dela Cruz, 26-anyos, driver ti truck; Mark Alexis Abesamis, pahinante; ken Yael Rhadson Navarro, 6-anyos bayat a dagiti nadangran ket nabigbig a da Jhon Topas, pahinante ti truck; dagiti nakalugan iti van a da Marry Joy Navarro, Dexter Navarro, Rangel Navaro, Ed Marie Dela Cruz, Edilina Maris Dela Cruz, Eda Dela Cruz, Yhanie Gee Navarro, Yhadneal Glen Navarro.
Naamuan a nakaruaren iti pagagasan dagiti innem nga indibidual bayat a manarimaan paylaeng iti panagpataming dagiti tallo gapu iti nakaro a napasaranda a dunor.
Maipalagip a napukawan ti preno ti maysa a truck kabayatan iti panagsalogna iti nasao a kalsada a nagresulta iti pannakadungparna ti maysa van a nangitunda iti dagus nga ipupusay ti driver ti truck ken iti pahinante daytoy.
Agtultuloy met ti imbestigasyon dagiti otoridad iti aksidente.
