Dead on arival ti maysa a biktima, bayat nga agpatpattaming dagiti dua a nadangran, kalpasan a pinalpaltogan daytoy ti saan pay a nabigbig a suspek idiay Sitio Burubor, Barangay Bangcagan, Bucay, Abra iti pasado ala sais iti sardam ita nga aldaw.
Nabigbig dagiti biktima a da Johnny Trinidad Marilag, agtawen iti 57-anyos addaan asawa ken residente iti Pagala, Bucay, Abra; Joshua Marquez, residente iti Poblacion, Tubo, Abra ken Arnold Anquillano Trinidad, addaan iti umno nga edad, naasawaan ken residente met laeng iti Pagala, Bucay, Abra.
Maibasar iti imbestigasion ti Bucay Municipal Police Station, namin adu daras a pinalpaltugan ti saan a nabigbig a suspek dagiti biktima bayat a manarimaan ti panagginum dagitoy iti maysa kalapaw iti igid ti karayan.
Kalpasan nga impatungpal iti supek ti panggepna, dagus a naglibas daytoy babaen iti color Black Yamaha NMAX 155 a motorsiklo ken nagturong iti Tayum, Abra.
Dagus a naitaray dagiti biktima iti pagagasan, kalpasan a nakaawat dagiti otoridad iti awag manipud iti maysa a concern citizen, maipapan iti nasao nga insidente.
Nupay kasta, naideklara a dead on arrival ni Johnny Trinidad Marilag babaen iti attending physician bayat a manarimaan ti panangpataming dagiti dua pay a biktima iti Abra Provincial Hospital.
Iti agdama, manarimaan ti imbistigasion iti Bucay Municipal Police Station iti pakabigbigan ti suSpek ken ti motibo daytoy.
