Agkidkiddaw iti tulong ni Hilda Benito taga Cabuguiasan, Natubleng, Buguias, Benguet iti tulong pinansyal wenno in kind kalpasan a nauram ti pagtaengan dagitoy idi Enero baente kwarto, iti agdama a tawen.
Sigun kenni Benito, addada iti pagagasan tapno ipaadmit ti anakna nga addaan iti bukol iti lungs sadiay Northen Hospital Abatan, Buguias, Benguet ken nairefer pay dagitoy iti Cordillera Hospital of the Divine Grace (CHDG) sadiay La Trinidad, Benguet idi napasamak ti uram iti pagtaenganda.
Gapu iti dayta, awan ti aniaman a nabati nga usar dagitoy agsipud ta nauram aminen dagitoy.
Kabayatanna, pinadas met ti Bombo Radyo nga alaen ti statement ti Bureau of Fire Protection-Buguias ngem awan ti datus-da agsipud ta saan a naipakammo daytoy kadakuada.
Iti agdama, manarimaan ti imbestigasyon dagiti otoridad.
