--Ads--
BAGUIO CITY – Umad-adu dagiti agpapa-abang kadagiti real state ditoy siudad ti Baguio kas maibasar iti panagmonitor ti City Permits and Licensing Division.
Sigun kenni Licensing Officer Allan Abayao, karaman kadagiti kangrunaan a negosyo iti siudad ket ti panagpa-abang kadagiti boarding houses, transient houses, inns, ken commercial establishments.
Kinunana nga iti listaan ti opisinada ket dumanon iti agarup 4,000 dagiti real estate lessor iti siudad.
Inlawlawagna a ti panagpa-abang ti maysa kadagiti kapintasan a negosyo ditoy siudad gapu iti panagbalin ti Baguio City kas Education Center of the North ken ti panagbalin daytoy kas maysa kadagiti kangrunaan a tourist destination iti Pilipinas.
