--Ads--
BAGUIO CITY – Umdas paylaeng ti bilang dagiti contact tracers ditoy siudad ti Baguio.
Sigun kenni City Health Services Officer Dr. Rowena Galpo, daytoy ket gapu iti tulong ti Department of the Interior and Local Government, Department of Labor and Employment, dagiti Barangay Health Emergency Response Teams ken ti pulisya.
Kinunana nga iti agdama ket umdas ti bilang dagitoy a mangbigbig kadagiti nakapulapol dagiti pasyente a nakaptan ti COVID-19.
Nupay kasta, inaklonna a marigatan laeng dagitoy gapu iti mabambantayan ita a baro a variant ti COVID-19.
Inlawlawagna a daytoy ket gaputa agingga iti third generation ti bigbigbigen dagitoy tapno maamuan dagiti nakapulapol dagiti nagpositibo iti nasao a sakit.
