Makapaalarma ti bilang dagiti estudiante a biktima ken mairamraman iti Online lending apps scams (OLAS), sigun iti opisina ti Securities and Exchange Commission-Cordillera (SEC-CAR).
Iti pannakiuman ti Bombo Radyo kenni Atty. Regina May Cajucom de Guzman, Regional Director ti Securities and exchange commission (SEC), amin ket ma-scam saan a laeng dagiti addaan ti trabaho.
Nupay kasta, impeksa ni Atty. de Guzman a makapaalarma ti sumagmamano nga estudyante a mabikbiktima iti daytoy.
Sigun kenkuana, sumagmamano kadagiti estudiante ket makautang ti agarup 7 agingga 10 nga indibidual iti baet nga awannan dagitoy iti sueldo.
Kadawyan kadagiti biktima ket pakairamanan dagiti babbae a di-adal, housewives ken daduma pay.
Immuna nga inlawlawag ti nasao nga opisial a centralized ti reporting dagiti complainants ngem adda dagiti sumagmamano nga occasional clients dagitoy.
Nupay kasta, amin a nagreklamo ket maasistaran no nakarehistro dagitoy iti lending companies wenno financing companies a naka-scaman dagitoy.
Impetteng ni Atty. de Guzman a 90% a reklamo a maaw-awat dagitoy ket saan a rehistrado iti lending companies wenno financing companies.
Kabayatanna, kinuna ti nasao nga Abogado nga adu dagiti maaw-awis gapu iti kinalaka ti proseso.
Maibasar iti datos, dumanon iti P10,000 agingga P20,000 ti average a maut-utang ngem in-inut a ngumatmato ti mabayadan agingga nga i-harass ken ibabain dagiti nakautanganda.
Iti makabulan, saan a bumaba ti 10 dagiti walk in clients dagitoy iti siudad ti Baguio seknan iti kaso ti OLAS.
Iti sabali a bangir, manarimaan ti coordinasyon dagitoy iti City council para ti panakaorganisar ti Seminars gapu iti panagngato ti kaso ti OLAS iti siudad ti Baguio.//Bombo Noveh Organo
