--Ads--
![](https://img.bomboradyo.com/baguio/2022/08/Erwin-Tulfo-says-no-walk-in-on-educational-assistance.jpg)
BAGUIO CITY – Pakabuklanen a 19,772 nga estudyante iti Cordillera ti nakaawat ti educational assistance manipud DSWD sipud nangrugi ti distribusyon idi Agosto 20.
Daytoy ket kalpasan a naipaayan ti 8,791 nga estudyante idi kalman, Setyembre 10.
Manipud iti nasao a bilang, 950 nga estudyante manipud Apayao ti immawat iti nasao a tulong pinansiyal, 1,672 iti Abra, 1,048 iti Kalinga, 1,831 iti Mt Province, 827 iti Ifugao, 1,127 iti Benguet ken 1,336 iti DSWD Field Office.
Sumaruno ti pay-out inton Setyembre 17 ken Setyembre 24.
Saan metten nga agawat ti DSWD-CAR iti application gaputa adon ti nagaplikar ken saanen a kabaelan ti pondo.