Agtultuloy a ngumatngato ti bilang dagiti indibidual a maipapaayan ti lisensya wenno business permits iti siudad ti Baguio.
Iti pannakiuman ti Bombo Radyo kenni Geraldine Angulo, Officer in Charge ti Licensing ken license officer 1 and permit division iti siudad ti Baguio manipud iti 18,917 a bilang dagiti nakaala ti regular permits ket addan ti 19,251 a naipaayan nga indibidual kas maibasar iti datos dagitoy idi March 31, 2025.
Iti special permit addan ti naipaayan a 743 nga indibidual iti kapada a bulan nangatngato no idilig idi napalabas a tawen nga adda laeng ti 609.
Kinuna ni Angulo, nga agtultuloy ti panagngato ti bilang dagiti mangal-ala iti lisensya no maipanggep iti license and permits.
Impeksana a ti maysa a rason ti panagngato ti bilang wenno datos ket gaputa adda dagiti sumagmamano a saan a nakailakad ti permitsda idi napalabas a tawen a tatta laeng a tawenda a naiprocess.
Malaksid iti dayta ket umad-adon dagiti nagpadas iti negosyo ken business mindes iti siudad.
Impeksana a ti kinangatuan ita ket dagiti retailers wennu dagiti local a business man/woman kas kadagiti housewives ken estudaynte nga agar-aramid iti mabalin a pagkitaanda iti kwarta nga isu iti maysa kadagiti mangpadpadakkel ti ekonomiya ti siudad.
Malaksid iti dayta ket ti panag-adu dagiti real estates lessor kas iti transient gapu ta dumakdakkel metten ti ekonomiya iti siudad ket adun dagiti turista a sumang-at iti City of Pines.//Bombo Noveh Organo
