Ngimmato ti bilang dagiti indibidual a pimmusay iti napasamak a panagatake iti maysa a concert hall idiay Moscow, Russia.
Maibasar iti kaudian a datus, 115 ti bilang dagiti pimmusay bayat a nasurok sangagasut dagiti nadangran.
Iti interview ti Bombo Radyo, kinuna ni Bombo International News Correspondent Danilo Casallo, uppat kadagiti lima a suspek ti natiliwen bayat a maan-anup paylaeng ti maysa a suspek.
Sigun kenkuana, saan pay a nalawag ti nagan ti grupo dagiti suspek ken ti posible nga utek iti nasao a panagatake.
Sigun pay kenni Casallo, mapapati a na-hire wenno nabayadan laeng dagiti lima a suspek a nangipatungpal iti panagatake.
Iti agdama ket nakared-alert status dagiti otoridad idiay Russia.
Pinunas met ni Casallo ti panagdanag ti pamilya dagiti padana a Pilipino nga agtrabtrabaho idiay Russia gapu ta natalged ti kasasaadda iti agdama ken awan ti nairaman kadakuada iti nasao a panagatake.//Rosemarie Bulsao
