--Ads--
Ngimmato ti bilang dagiti mapukpukaw nga indibidual kalpasan ti magnitude 7.8 a ginggined idiay Minadano idi June 08, 2026.
Sigun kenni Office of Civil Denfence (OCD) Asec. Bernardo Rafaelito Alejandro IV, dumanon iti 33 a tattao ti kompirmado a mapukpukaw.
Doble ti ngimmatuan daytoy iti 17 nga immuna a nailista a mapukpukaw idi napalabas nga aldaw.
Kabayatanna, ngimmato iti 688 tattao dagiti kompirmado a nasugatan gapu iti nasao a ginggined.
Iti agdama, agtultuloy ti panangbirok dagiti otoridad kadagiti mapukpukaw ken positibo dagitoy nga ad-adu pay ti masarakanda a sibibiag.
Malaksid iti dayta, agtultuloy ti clearing operations kadagiti narba a pasdek iti nagduduma a paset dagiti apektado a lugar.
